કાલે મને સમય મળશે, એ એક મોટો ભ્રમ છે – ભીમે મોટાભાઇ યુધિસ્ઠિર ને શીખ આપી
![કાલે મને સમય મળશે, એ એક મોટો ભ્રમ છે - ભીમે મોટાભાઇ યુધિસ્ઠિર ને શીખ આપી https://divyamudita.com/bhima-taught-elder-brother-yudhisthira/](https://divyamudita.com/wp-content/uploads/2023/08/yu.png)
યુધિષ્ઠિર દિવસમાં નિશ્ચિત કરેલ સમયે દાન આપતા. એક દિવસ દાન આવવાનું કાર્ય અને સમય સમાપ્ત થઈ ગયો. પછીથી એક ગરીબ બ્રાહ્મણ દાન લેવા માટે આવ્યો. યુધિષ્ઠિર બોલ્યા :
આજે તો દાનનો સમય પૂરો થઈ ગયો છે. તું આવતીકાલે આવજે. તને જરૂર ધન આપીશ. બ્રાહ્મણ નિરાશ વદને પાછો આવ્યો. આ વાતની ભીમને ખબર પડી. હવે રાજાના મહેલ પાસે એક મોટો ઢોલ રાખી મૂક્યો હતો કે જે કંઇક અજુગતું બને ત્યારે વગાડવામાં આવતો. ભીમે એ ઢોલ વગાડવાનો શરૂ કર્યો. આ અવાજ સાંભળી યુધિષ્ઠિર તરત બહાર આવ્યા. તેમણે ભીમને પૂછ્યું :
અલ્યા ભીમ ! ઢોલ કેમ વગાડે છે. એકદમ શું થયું ?
ભીમ : આજે બહુ મોટો અજબ બનાવ બની ગયો છે.
યુધિષ્ઠિર : શું બનાવ બન્યો ?
ભીમ : કાળને કોઈ જીતી શક્યું નથી, પણ મારા મોટાભાઈએ કાળને જીતી લીધો છે.
યુધિષ્ઠિર : મને સમજાયું નહીં. બરાબર વાત કર.
ભીમ : મારા મોટાભાઈએ બ્રાહ્મણને દાન લેવા આવવા માટે આવતીકાલનો વાયદો કર્યો. મતલબ કે આવતીકાલ સુધી તે જીવીત રહેવાના જ છે તે નિશ્ચિત થઈ ગયું. કાલ સુધી કાળ તેમને કંઇ કરી શકે નહિ. આ અજબ ઘટના નથી !
યુધિષ્ઠિરને પોતાની ભૂલ સમજાઈ. તેમણે તરત જ પાછા ગયેલા બ્રાહ્મણને બોલાવ્યો અને દાન આપી વિદાય કર્યો !
કાલે મને સમય મળશે – એ એક મોટો ભ્રમ છે. કાલે શું થાય કોને ખબર ? કાલનો વિશ્વાસ કદી ન રખાય. રામાયણ ગીતા ઉપનિષદ વિ.ના સત્સંગ સ્વાઘ્યાય ની વાત આવે એટલે આપણો જવાબ એક જ હોય કે – હમણાં શું ઉતાવળ છે ? જિંદગી હજુ તો ઘણી બાકી છે. ઘડપણમાં ગોવિંદ ભજશું અને ગીતા ગાશું ! હમણાં બધી લહેર કરી લો !
કલ કરના સો આજ કર, આજ કરના સો અબ.
સંકલન : દિવ્યામુદિતા ટીમ